此行其中一個目的就係去握手會。雖然我不算死忠粉，只是較喜歡ゆーり(真的好可愛) 和あーぽん (這個是看了Documentery才特別留意，很喜歡這個性格的女生) ，但剛好在行程中，有一天是可以去，就將佢排進行程表吧。
在新CD宣佈的時間就會同時公佈握手會時間，全國不同地方都有，橫跨好幾個月，好像我今次的17th Single就有七次由一月到七月，我參加的是第二次在東京bigsight的握手會。
想參加就先要申請兩個資料，一個是FORTUNEMUSIC的account，一個是日本轉運的account，這些網上教學也不難，如果你去開日本也不難填。日本轉運我用tenso，價錢還可接受，用ems來大約一周來已經到我手上，收到那天真的好開心~~~
今次其實抽了四張，兩張太田夢莉，一張沖田彩華，另一張是城惠理子，因為抽一張即有一張CD，你明白如果那些死忠粉家中應該有大量CD.....收到就可以放好等出發啦！
會場是在東京BIG SIGHT，那天天氣晴朗，起身出門由新宿過去直車大約只係半個鐘左右 (但如果用PASS要補錢....SHIT)，食過老麥早餐先
同係老麥，都覺得日本的好食D XDDD
跟住就行過去會場附近，
入場前都打個卡先，係入場前都有講明唔可以帶大行李，又唔可以帶攝影器材 (手機唔算)等等，可以帶水，不過入場時要飲一啖咁，唔帶都沒所謂，其實有下一部的卷可以出出入入的。
這兒算係檢查入場卷的地方。
握手會十點半正式開始，十點鐘就會放人入去，可能係東京，開場前人唔算好多，一入場就先去睇下有咩買，老實，唔多，都係最新寫真，相 (原來上次香港演唱會都唔算賣貴好多....)，仲有頸巾、TEE、襟章等等，唔多吸引下買少少當心意就好了。
左中右都各有大鐘，同一行行可以排，咁我就當然行過去望下先啦
(以下都算係偷影.....)
如果回去上面張飛就見到有個「檢」字，就係檢查過可以今日用，其實官網有講過話叫留飛，不過如果當日用左佢就算啦...... 反正當時諗，就算佢補我都唔會飛過去握返..... (現在後悔，應該留低一張....) 最後決定去レモンちゃん同埋アカリン兩個。
レモンちゃん真人好瘦，畢業加上快生日，旁邊有他的FANS可以寫卡，先寫，最初我都唔知點入去，只好估估下到底幾時去排好，到十一點三見無咩人，就埋去，點知就出事！
話我本PASSPORT沒地址，要對地址！！！點對呀，個地址係轉運個地址，叫在三個人來都唔知點，當然我最後先比其他人繼續去對先啦。最後有個小妹妹過來，話我要去fortunemusic 個COUNTER先，我心諗，下，個度我有去過喎，咪比左個「檢」我囉？又去？人生路不熟就惟有再過去望下，原來旁邊有兩個係專門作這事，同一案內有兩班人……好吧，弄好了，加蓋FORTUNEMUSIC個印，就可以去排返。
レモンちゃん好瘦，有點好像風吹就走一樣，隻手好細，有點凍，同原來十秒真係好快，加埋第一個好緊張，一埋去，話自己香港來，佢答我好札再去香港食嘢..... 就比人拖走.....
唔得就等左一陣好快到第二部，望下朱里條隊都唔多人，但好多女FANS，可能是YOUTUBE化妝達人的關係，其實也不停有人去握。我望了一會，都係埋去握吧，朱里隻手大少少，一入去講我係香港來，佢話好喜歡香港，想再來，跟住.... 夠鐘.....
嗚嗚......
有人問中間會唔會好悶？我一個人其實都唔算好悶，加埋望下旁邊D粉同埋其他成員，時間唔難過，比如植村梓真係好細粒，美瑠就成日條隊未停，なぎちゃん都唔少，看來我都唔清唔楚……仲有唔少粉絲，係成員出來和進去休息時都會望下，都幾得意。
當然隊長條隊真係勁長，唔怪得我只抽一張唔中啦....
又未到下一場，咁決定出場去買枝水先，出左門口，有一個房間唔知講咩，就入去又望下，原來有好多粉絲會係度交換頭先買的相，於是我又攞我頭先出來買的來換！在日本換好公平，因為喜歡的都不一樣，可以有不同的換，他們主要是儲一套，可以慢慢換。當然他們也會問你想找誰的，ゆーり同さや姉的較難換到，みるるん都多人想要 (不是我杯茶) ，但時間不夠，我要回去握手啦！
終於到可以去彩華那兒握手啦~~ 係目標來的
人都唔多，見到あーぽん，經過上兩個唔知講咩，我一行埋去就講初次見面，佢眼神有D突左一突咁，跟住我話我由香港來，上次演唱會有去，佢回我好唔好睇，我答好好呀，下次要再來，佢答我一定，一定會再來！！！
あーぽん對手好好握，好暖呀……好想握住傾計 (戀愛中......)
跟住時間仲可以去排下支配人部屋，唔算好多人排，他是以抽簽形式去決定有誰先誰後，第二輪大約有二十人有興趣，我抽到第四，咁又到處行下先
再望下，差唔多了夠鐘返去，可以入去同金子傾下計，我入去就話我香港來，日文不太好，他說沒所謂，我話其實NMB48可以多來香港，上次演唱會也挺成功呢，金子先生話好像香港AKB和SKE較有名，我當時只可以說那也是因為較多機會報導，其實NMB也挺受歡迎的，特別上次Documentary 有さや姉和ふぅちゃん都好多人到，另外上年演唱會的票也挺受歡迎，只要多點機會和大家接觸一定大家更開心，如果可以來香港弄簽名會或寫真會就更好了！！ 金子先生問我來看誰？我當然是誰ゆーり和あーぽん，金子先生好像挺認真記下，最後希望真的會再和隊員來香港啦！
好，影張相後又回去排握手會，最後是城惠理子，在換相的過程中發現城惠理子的照片不太受歡迎，但真人後好，手是很好握，對話也是去年香港演唱會好好看，要再來香港，可以多吃多看，他說會，一定要再來玩！希望是真的吧 (什麼會都好！！)
最後要說一下第一次的感想和給下次的一些提醒
1. 沒必要像我一樣抽足一日的飛，我覺得上晝或下晝集中抽也可以，如果不是很多人排隊一部兩個也不難，當然你抽到隊長就....
2. 可以集中抽一人，一次用長D，起碼可以傾耐少少，唔好十秒比人趕走，但呢個就要金主的財力……
3. 若大家有機會日文程度有一點點 (我只是N5程度)，去和金子先生說一下，希望多點NMB48來香港吧
希望下次可以去写メ会呢！！！
